Pupuh Ginanda

403

Pupuh ginada wantah silih tunggil tembang alit utawi sekar alit. Pupuh niki maduwe ciri kaiket antuk aturan (pada lingsa) makadi akeh baris ring tiap baitne (pada) inggih punika 8 besik. Sampun kenten akehne suku kata ring tiap-tiap baris (carik) lan suaran untat tiap-tiap baris inggih punika, 8a 8i 8a 8u 8a 4i 8a. Minab sampun wenten contone ring posting tiang sane dumunan. Niki mangkin malih tiang ngicen contone. Iseng cingak tiang ring buku tugas adin tiange wenten conto-contone.

Pupuh Ginada

  1. Titiang melajah ngae tipat
    Ngantos titiang ngulangunin
    Kewehe mekudang-kudang
    Besik dua nganti telu
    Meme bapa ketakonang
    Keweh gati
    Ento patut kaplajahang.
  2. Mai timpale makejang
    Melajah matembang bali
    Tembang bali ne budaya
    Warisan para leluhur
    Patut raga lestariang
    Tembang bali
    Ento patut keajegang.
  3. Janintitiang maan tugas
    Tugas sane miweh gati
    Sawireh tusing biyasa
    Kajudi makarya pupuh
    Sinom utawi ginada
    Dados milih
    Nanging teteptusing bias.
  4. Liu anak ngulah-ulah
    Keto mase sedeng paling
    Melajahe kesaratang
    Ape ane sedeng ruruh
    Melajah ngalih sawitra
    Yan besidi
    Ape ruruh lakar bakat.
  5. Ene madan karma laksana
    Sajeroning kantun maurip
    Jele melah pengelaksana
    Ento neket diraga tuhu
    Bekelan kayang kawekas
    Bin numadi
    Pangde nemu kesengsaran.

~ Article view : [717]